Öðrum er sama

Af fylgjendum Icesave-laganna má einna helst skilja að aðrar þjóðir fylgist með andakt með því hvort við samþykkjum að greiða þessar kröfur. Er þetta rétt? Auðvitað ekki.

Þetta mál nær ekki fréttatímum í nágrannalöndunum. Það er ástæðulaust að ætla að þetta muni hafa neikvæð áhrif í framtíðinni á traust Íslendinga í viðskiptum.

Við munum frekar, hjá þeim sem á annað borð fylgjast með þessu, vaxa í áliti fyrir að láta ekki þvinga okkur til að taka á okkur skyldu til að greiða kröfur sem við eigum ekki að borga.

Fellum Icesave-lögin.

Brynjar Níelsson hrl.

Björgvin Þorsteinsson hrl.

Haukur Örn Birgisson hrl.

Jón Jónsson hrl.

Reimar Pétursson hrl.

Tómas Jónsson hrl.

Þorsteinn Einarsson hrl.