Fyrsta tap FCK á tímabilinu

Danska úrvalsdeildin fór aftur af stað um helgina eftir vetrarfrí en þá tapaði FC Kaupmannahöfn sínum fyrsta leik á tímabilinu.

FCK hefur átt frábæru gengi að fagna í vetur en liðið er með nítján stiga forystu á næsta lið í deildinni heima og komið í 16-liða úrslit Meistaradeildar Evrópu.

Midtjylland vann 2-0 sigur á FCK nú um helgina með mörkum þeirra Jakob Poulsen og Mikkel Thygesen. Sölvi Geir Ottesen var ekki í leikmannahópi FCK.

FCK mætir svo Chelsea í síðari leik liðanna í 16-liða úrslitum Meistaradieldar Evrópu í næstu viku en Chelsea vann fyrri leikinn, 2-0, í Kaupmannahöfn.