Gunnar æfir með Norrköping á Mallorca

Gunnar Heiðar Þorvaldsson, sem skrifaði nýlega undir fjögurra ára samning við ÍBV, er nú til skoðunar hjá sænska liðinu Norrköping. Framherjinn mun dvelja með liðinu í æfingabúðum á Mallorca á Spáni fram í miðjan mars.

Þjálfari Norrköping er Janne Andersson en hann þekkir vel til Gunnars því hann var þjálfari Halmstad þegar Gunnar var markakóngur sænsku úrvalsdeildarinnar árið 2005.

Í viðtali við FotballDirekte.se segir Ólafur Garðarsson umboðsmaður Gunnars að hann hafi rætt við forráðamenn Norrköping. „Við höfum rætt við Norrköping en það verður engin ákvörðun tekin fyrr en eftir æfingaferðina," segir Ólafur í viðtalinu.