Skilanefnd seldi lífeyrissjóðum hlut í Icelandair

Skilanefnd Landsbankans seldi út allan hlut sinn í Icelandair til lífeyrissjóða ásamt fleiri fjárfesta á genginu 4,3.

Þetta kemur fram í Markaðsfréttum Íslenskra verðbréfa. Þar segir að Lífeyrissjóður starfsmanna ríkisins og Lífeyrissjóður verslunarmanna flögguðu viðskiptum í Icelandair s.l. föstudag, vegna aukningar á eignarhlut.  LSR fór úr 4,84% hlut upp í 6,03% og LV úr 9,67% hlut í 12,07%.

Í vikunni birti Icelandair afkomu fyrir árið 2010.  Heildarvelta ársins jókst um 10% milli ára. EBITDA ársins endaði í 12,6 milljörðum króna og var það 4,4 milljörðum hærra en árið 2009. Hagnaður ársins eftir skatta var 4,6 milljarðar.  Ljóst er að þessi niðurstaða er mun betri en áætlanir og afkomuspár höfðu gefið til kynna. 

 

Stjórnendur félagsins meta árið 2011 þannig að hækkandi eldsneytisverð og aukin samkeppni muni hafa þau áhrif að  að EBITDA verði 9,5 milljarðar króna og framlegð lækki frá árinu 2010.