Goðafoss ógnar einstökum sjávarþjóðgarði

Yfir fjögurra kílómetra breiður olíuflekkur úr Goðafossi ógnar nú tilveru Ytre Hvaler þjóðgarðarins í Östfold skerjagarðinum. Um er að ræða eina sjávarþjóðgarð heimsins en þar er að finna einstakt sjávar- og stranddýralíf.

Íbúar í nágrenni garðsins óttast hið versta. Einn þeirra segir í samtali við Verdens Gang að oft hafi litlu munað að mengunarslys hafi orðið í eða við þjóðgarðinn en nú sé slíkt að verða staðreynd.

Norska strandgæslan sé hinsvegar komin með hreinsibúnað og dælur að garðinum og vonandi takist að verja hann.