CCP gefur út Playstation leik hjá Sony Hafsteinn Hauksson skrifar 7. júní 2011 12:09 Íslenski tölvuleikjaframleiðandinn CCP kynnti í nótt að fyrirtækið væri komið í samstarf við tölvuleikjarisann Sony um útgáfu tölvuleiks á Playstation 3 leikjatölvuna. Talsmaður fyrirtækisins segir að leikurinn, DUST 514, verði byltingarkenndur. Tilkynnt var um samstarfið á blaðamannafundi Sony í Los Angeles, daginn fyrir E3-ráðstefnuna, eina stærstu tölvuleikjaráðstefnu heims sem hefst í dag. Þorsteinn Högni Gunnarsson, framkvæmdastjóri viðskiptaþróunar hjá CCP, segir að samningurinn feli í sér markaðssetningu á leiknum á heimsvísu, dreifingu og sölu auk þess sem fyrirtækin muni eiga í tæknilegu samstarfi um þróun leiksins. „Það er óhætt að segja að þetta er með stærri samningum sem CCP hefur gert í sögu félagsins, svo þetta er ansi stór áfangi fyrir okkur á markaðnum," segir Þorsteinn. CCP á veg og vanda að geimleiknum EVE Online sem hundruð þúsunda spila um heim allan á borðtölvur. Nýi leikurinn, sem ber heitið DUST 514, gerist í sama ímyndaða geimnum og EVE, en verður hins vegar spilaður á Playstation 3 leikjatölvunni. CCP hefur ekki áður gert leik fyrir leikjatölvu, en Þorsteinn segir þó að fyrirtækið hafi ráðið til sín fólk sem hefur framleitt marga af vinsælustu skotleikjum markaðarins, og því sé fyrirtækið hvergi bangið að takast á við þá áskorun. Leikurinn er nokkuð byltingarkenndur, því þetta er í fyrsta sinn sem leikjafyrirtæki reynir að búa til leik þar sem leikmenn á borðtölvu og leikjatölvu geta unnið saman eða keppt hvor á móti öðrum innan sama heimsins. „Við getum ímyndað okkur að ef leikmenn EVE Online eru uppi í geimnum að berjast um yfirráð yfir sólkerfum, þá eru leikmenn DUST 514 að taka þátt í sama stríði, en á annarri tölvu og að berjast á jörðu niðri. Þetta er ansi nýstárleg hugmynd, sem má segja að fá fyrirtæki á heimsvísu hafi tækifæri til að vinna að." Hér fyrir ofan má sjá sýnishorn úr leiknum sem var frumsýnt á E3-ráðstefnunni. Nánari upplýsingar er að finna á heimasíðu leiksins, dust514.com. Leikjavísir Mest lesið Stjörnulífið: Löng helgi, hátíðarsýning og tónleikar Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Clooney mælti með handtöku Netanyahu Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Af vængjum fram: „Ég ætla ekkert að fara að gráta hérna“ Lífið Myndaveisla: Ekkert gefið eftir í forsetafögnuði ísdrottningarinnar Lífið Elín Metta og Sigurður eiga von á barni Lífið Steldu stílnum af konunum í forsetaframboði Tíska og hönnun Fleiri fréttir Lokaþáttur Babe Patrol Veiða dýr og menn hjá GameTíví GameTíví: Plorrinn spilar Fallout Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira
Íslenski tölvuleikjaframleiðandinn CCP kynnti í nótt að fyrirtækið væri komið í samstarf við tölvuleikjarisann Sony um útgáfu tölvuleiks á Playstation 3 leikjatölvuna. Talsmaður fyrirtækisins segir að leikurinn, DUST 514, verði byltingarkenndur. Tilkynnt var um samstarfið á blaðamannafundi Sony í Los Angeles, daginn fyrir E3-ráðstefnuna, eina stærstu tölvuleikjaráðstefnu heims sem hefst í dag. Þorsteinn Högni Gunnarsson, framkvæmdastjóri viðskiptaþróunar hjá CCP, segir að samningurinn feli í sér markaðssetningu á leiknum á heimsvísu, dreifingu og sölu auk þess sem fyrirtækin muni eiga í tæknilegu samstarfi um þróun leiksins. „Það er óhætt að segja að þetta er með stærri samningum sem CCP hefur gert í sögu félagsins, svo þetta er ansi stór áfangi fyrir okkur á markaðnum," segir Þorsteinn. CCP á veg og vanda að geimleiknum EVE Online sem hundruð þúsunda spila um heim allan á borðtölvur. Nýi leikurinn, sem ber heitið DUST 514, gerist í sama ímyndaða geimnum og EVE, en verður hins vegar spilaður á Playstation 3 leikjatölvunni. CCP hefur ekki áður gert leik fyrir leikjatölvu, en Þorsteinn segir þó að fyrirtækið hafi ráðið til sín fólk sem hefur framleitt marga af vinsælustu skotleikjum markaðarins, og því sé fyrirtækið hvergi bangið að takast á við þá áskorun. Leikurinn er nokkuð byltingarkenndur, því þetta er í fyrsta sinn sem leikjafyrirtæki reynir að búa til leik þar sem leikmenn á borðtölvu og leikjatölvu geta unnið saman eða keppt hvor á móti öðrum innan sama heimsins. „Við getum ímyndað okkur að ef leikmenn EVE Online eru uppi í geimnum að berjast um yfirráð yfir sólkerfum, þá eru leikmenn DUST 514 að taka þátt í sama stríði, en á annarri tölvu og að berjast á jörðu niðri. Þetta er ansi nýstárleg hugmynd, sem má segja að fá fyrirtæki á heimsvísu hafi tækifæri til að vinna að." Hér fyrir ofan má sjá sýnishorn úr leiknum sem var frumsýnt á E3-ráðstefnunni. Nánari upplýsingar er að finna á heimasíðu leiksins, dust514.com.
Leikjavísir Mest lesið Stjörnulífið: Löng helgi, hátíðarsýning og tónleikar Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Clooney mælti með handtöku Netanyahu Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Af vængjum fram: „Ég ætla ekkert að fara að gráta hérna“ Lífið Myndaveisla: Ekkert gefið eftir í forsetafögnuði ísdrottningarinnar Lífið Elín Metta og Sigurður eiga von á barni Lífið Steldu stílnum af konunum í forsetaframboði Tíska og hönnun Fleiri fréttir Lokaþáttur Babe Patrol Veiða dýr og menn hjá GameTíví GameTíví: Plorrinn spilar Fallout Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira