Sport

Íþróttaárið 2011 í máli og myndum

Óskar Ófeigur Jónsson skrifar
Mynd/Pjetur
Fréttablaðið hefur tekið saman nokkrar skemmtilegar myndir frá spennandi og líflegu íþróttaári en þetta eru bæði myndir frá afrekum hér heima og erlendis.

Á myndum má finn stelpurnar okkar sem stóðu sig vel bæði í fótboltanum og handboltanum sem og strákana okkar sem náðu sjötta sætinu á HM í Svíþjóð.

Íslandsmeistaraliðin í þremur stærstu boltagreinunum eiga sinn fulltrúa á þessum myndum sem og það íþróttafólk okkar sem náði bestum árangri á erlendri grundu.

Það er líka af nóg að taka frá íþróttafrekum utan landssteinanna og er hér aðeins stiklað á stóru.

Myndirnar má sjá í albúminu hér að neðan. Hægt er að sjá myndirnar stærri með því að smella á þær.

Ólafur Björn Loftsson varð fyrsti Íslendinguirnn sem tekur þátt í móti á PGA-mótaröðinni í golfi.Pjetur
Jakob Sigurðarson og Hlynur Bæringsson voru mennirnir á bak við sigur Sundsvall Dragons í sænsku úrvalsdeildinni.
Japan varð heimsmeistari kvenna í fótbolta í sumar.
Íslendingaliðið Kiel vann 18 fyrstu leikina á nýju tímabili og setti met. Alfreð Gíslason og Aron Pálmarsson höfðu yfir nógu að fagna.
Björgvin Páll Gústavsson og félagar í handboltalandsliðinu náði 6. sæti á HM í Svíþjóð þrátt fyrir að tapa síðustu 4 leikjum sínum.Valli
Aaron Rodgers átti frábært ár með Green Bay Packers í ameríska fótboltanum.
Keflavík vann þrefalt í kvennakörfunni og Pálína Gunnlaugsdóttir var valin best í úrslitakeppninni.Valli
Valskonur vörðu Íslandsmeistaratitilinn í kvennahandboltanum og töpuðu bara einum leik á árinu 2011 sem var reyndar bikarúrslitaleikurinn á móti Fram.Daníel
Carlos Tevez: Fyrstur hjá Manchester City til að lyfta bikar í 35 ár í maí en neitaði síðan að fara inná í september.
Lionel Messi: Besti knattspyrnumaður heims varð enn betri á árinu og vann fimm titla með Barcelona.
Mancehster United sló met Liverpool og varð Englandsmeistari í 19. sinn. Paul Scholes, Alex Ferguson og Ryan Giggs voru ekki að handleika bikarinn í fyrsta sinn.
Dirk Nowitzki og Dallas Mavericks urðu NBA-meistarar í fyrsta sinn.
Tryggvi Guðmundsson lenti í ýmsum skakkaföllum sumar en tókst samt að jafna markamet Inga Björns Albertssonar.HAG
Kári Steinn Karlsson sló í gegn í sínu fyrsta maraþonhlaupi sem fram fór í Berlín.Stefán
Usain Bolt kann að leika sér fyrir framan myndavélarnar. Hann klúðraði 100 metra hlaupinu á HM í frjálsum en vann 200 metranan af öryggi.
Stjörnukonur urðu Íslandsmeistarar í fyrsta sinn í kvennafótboltanum og enduðu fimm ára sigurgöngu Vals. Anna Björk Kristjánsdóttir og Gunnhildur Yrsa Jónsdóttir áttu báðar frábært tímabil.Daníel
Kvennalandsliðið náði 2. sætinu í Algarve-bikarnum og vann sögulega sigra.Daníel
KR varð Íslandsmeistari karla í fótbolta í fyrsta sinn síðan 2003 og tók líka bikarinn. Kjartan Henry Finnbogason, markahæsti leikmaður liðsins, með Íslandsbikarinn.Daníel
Svíinn Lars Lagerbäck var ráðinn sem A-landsliðsþjálfari karla og það var létt yfir mönnum á blaðamannafundi.Vilhelm
Ásdís Hjálmsdóttir stóð sig best Íslendinga á HM í frjálsum.Anton
Heiðar Helguson skoraði 13 mörk í b-deildinni og hjálpaði QPR að komast upp og hélt síðan áfram að raða inn mörkum þegar hann fékk tækifærið í ensku úrvalsdeildinni. Búinn að skora 7 mörk í fyrstu 12 leikjunum.
Kvennalandsliðið í handbolta náði tólfta sætinu á sínu fyrsta Heimsmeistaramóti sem fór fram í Brasilíu. Stelpurnar unnu Svartfjallaland, Þýskaland og Kína á mótinu.Pjetur
Þórir Hergeirsson gerði norska kvennalandsliðið í handbolta að Heimsmeisturum í Brasilíu í desember.
Fernando Torres og David Luiz voru keyptir fyrir stórfé en áttu erfitt fyrsta ár hjá Chelsea.
Caroline Wozniacki endaði árið í efsta sæti heimslistans í tennis og sem hluti af heitasta íþróttapari heims með kylfingnum Rory McIlroy.
Kolbeinn Sigþórsson átti frábært ár sem endaði ekki vel. Skoraði 11 mörk fyrir AZ Alkmaar á árinu þar á meðal 5 í einum leik á móti VVV-Venlo og skoraði síðan 5 mörk í 8 leikjum með Ajax sem keypti hann í sumar. Fótbrotnaði í októberbyrjun.Vísir/Getty
KR varð Íslands-meistari karla í körfu ekki síst fyrir frammistöðu Marcus Walker.Anton
FH-ingar urðu Íslandsmeistarar í handbolta karla í sextánda sinn en jafnframt í fyrsta sinn í 19 ár.HAG
Erlendar Innlendar

Mest lesið


Fleiri fréttir

Sjá meira


×

Mest lesið