Kauphöllin kynnir nýja vefþjónustu fyrir almenna fjárfesta

NASDAQ OMX hefur tilkynnt um nýja vefþjónustu fyrir almenna fjárfesta sem fylgjast með norræna verðbréfamarkaðnum.

Í tilkynningunni segir að á grundvelli óska viðskiptavina okkar, hefur NASDAQ OMX sett í loftið uppfærða nasdaqomxnordic.com vefsíðu með spánýju sniði sem veitir notendum möguleika á að sérsníða vefsíðuna og fá ítarlegar rauntímaupplýsingar.

"Viðskiptavinir okkar á norræna verðbréfamarkaðnum notast að mestu við afmarkaðan hluta þeirrar yfirgripsmiklu þjónustu sem NASDAQ OMX veitir, og þetta höfum við haft í huga við þróun á nýju vefsíðunni. Nýja norræna síðan mun veita viðskiptavinum okkar möguleika á að búa til sína eigin fjárfestingargátt þar sem þeir geta beint sjónum sínum að uppáhaldsmörkuðum sínum á sínu eigin tungumáli og þeim tegundum verðbréfa sem þeir eiga ásamt því að halda utan um eignasafn sitt," segir segir Hans-Ole Jochumsen, forstjóri NASDAQ OMX Nordic.

„Með þessum endurbótum viljum ekki bara kynna viðskiptahlutann í vöruframboði okkar, heldur líka margar aðrar spennandi vörur og þjónustu sem NASDAQ OMX hefur upp á að bjóða á hverjum stað fyrir sig, svo sem Global Data Products, sem á þessari síðu, mun bjóða almennum fjárfestum upp á gögn í rauntíma í fyrsta skipti."

Nýja nasdaqomxnordic.com vefsíðan mun bjóða almennum fjárfestum upp á sérsniðna þjónustu, þar á meðal markaðsgögn í rauntíma og upplýsingar um tilboð á 5 hagstæðustu verðunum í tilboðabókum hlutabréfa fyrir þá fjárfesta sem kjósa MyPage+ áskrift