Eignir tryggingafélaga lækka um hálfan milljarð

Heildareignir tryggingarfélaga námu 135,5 milljörðum kr. í lok október og lækkuðu um 540 milljónir kr. á milli mánaða.

Þetta kemur fram í hagtölum Seðlabankans. Þar segir að handbært fé nam 11,6 milljörðum kr. og lækkaði um 950 milljónir kr.

Útlán og markaðsverðbréf hækkuðu um 1,3 milljarða kr á milli mánaða og námu 86,6 milljörðum kr. sem skýrist aðallega af 1,8 milljarða kr. hækkun á verðtryggðum markaðsskuldabréfum sem námu 47,4 milljörðum kr. Þá varð 562 milljóna kr. lækkun á öðrum útlánum sem námu 9,4 milljörðum kr. í lok október.

Skuldir tryggingarfélaga námu 79,2 milljörðum kr. og eigið fé 56,2 milljörðum kr. í lok mánaðarins.