Töluverð fækkun á nauðungarsölum fasteigna

Í lok apríl 2010 höfðu 62 fasteignir verið seldar nauðungarsölu hjá sýslumanninum í Reykjavík á árinu. Þetta er töluvert minni fjöldi en á sama tíma í fyrra þegar 92 fasteignir voru seldar á nauðungasölu.

Þetta kemur fram á vefsíðu Sýslumannsins í Reykjavík. Þar segir að skráðar beiðnir um nauðungarsölu voru 605 frá áramótum til loka apríl.

Árið 2009 voru 207 fasteignir seldar nauðungarsölu hjá sýslumanninum í Reykjavík. Skráðar nauðungarsölubeiðnir vegna fasteigna það ár voru 2.504 talsins.

Í lok apríl 2010 höfðu 114 bifreiðar verið seldar nauðungarsölu hjá sýslumanninum í Reykjavík á árinu. Skráðar beiðnir um nauðungarsölu voru á sama tíma 199 talsins.

Árið 2009 voru 441 bifreið seld nauðungarsölu hjá sýslumanninum í Reykjavík. 1.068 nauðungarsölubeiðnir vegna bifreiða voru skráðar hjá embættinu árið 2009.