Íslendingar léttari í lundu

Væntingar Íslendinga hafa ekki verið eins miklar og nú frá bankahruni, ef marka má Væntingavísitölu Gallup sem birt var um hádegisbilið í gær.

Vísitalan mælir væntingar neytenda til efnahags- og atvinnulífsins. Þegar vísitalan er undir 100 stigum eru fleiri neytendur svartsýnir en bjartsýnir. Vísitalan mælist nú 67 stig en hefur að meðaltali mælst um 40 stig frá bankahruni.

Greining Íslandsbanka segir í Morgunkorni að það aé augljóslega mun bjartara yfir landanum nú en undanfarin misseri. Það komi ekki á óvart enda bendi margt til þess að botninum á kreppunni sé náð. Þannig hafi staða vinnumarkaðarins færst til betri vegar undanfarið, verðbólga hjaðnað, krónan styrkst, vextir lækkað og kaupmáttur launa aukist.