Nýr umboðsmaður viðskiptavina hjá Íslandsbanka

Sigríður Jónsdóttir hefur verið ráðin í starf umboðsmanns viðskiptavina hjá Íslandsbanka og tekur við af Þórleifi Jónssyni, sem lætur af störfum 1. mars næstkomandi. Í tilkynningu frá bankanum segir að Sigríður hafi viðtæka og langa reynslu í fjármálamarkaði en hún starfar nú sem útibússtjóri Íslandsbanka í Mosfellsbæ.

Allt frá árinu 1995 hefur verið starfrækt sérstakt embætti umboðsmanns fyrir viðskiptavini hjá Íslandsbanka undir heitinu umboðsmaður skuldara, en heiti þess var breytt í umboðsmaður viðskiptavina í desember 2008. Viðskiptavinir geta leitað til umboðsmanns viðskiptavina telji þeir sig ekki hafa fengið sanngjarna úrlausn sinna mála. Hlutverk umboðsmanns er að skoða málin hlutlaust og vinna að sanngjarnri úrlausn.