Ráðinn til að rannsaka yfirtökur banka á fyrirtækjum

Benedikt Árnason hefur verið ráðinn til Samkeppniseftirlitsins sem ráðgjafi í fullu starfi, en hann mun taka þátt í ýmsum rannsóknum sem varða endurskipulagningu fyrirtækja og yfirtökur banka á fyrirtækjum.

Á vefsíðu Samkreppniseftirlitsins segir að Benedikt er hagfræðingur að mennt, með MA gráðu í hagfræði og MBA gráðu í fjármálum frá University of Toronto í Kanada.

Hann var forstjóri Askar Capital um tveggja ára skeið frá haustinu 2008, aðstoðarframkvæmdastjóri og svæðisstjóri fyrir Ísland hjá Norræna fjárfestingarbankanum í Helsinki um þriggja ára skeið og þar áður skrifstofustjóri í iðnaðar- og viðskiptaráðuneytinu um árabil.

Benedikt hóf störf í Samkeppniseftirlitinu þann 1. nóvember sl.