Fjölga starfsmönnum hér um 15 prósent

Hjá Actavis starfa rúmlega tíu þúsund manns víða um heim. Þar af voru hér 630 um síðustu áramót. Fyrirtækið hefur á árinu unnið að því að stækka lyfjaverksmiðju sína í Hafnarfirði en við það mun framleiðslugetan hér aukast um helming. Samhliða því var gert ráð fyrir að ráða fimmtíu nýja starfsmenn á árinu.

Þeir eru nú rúmlega 700 talsins og er búist við að þeim muni fjölga um í kringum fjörutíu á næstu mánuðum. Það jafngildir tæplega fimmtán prósenta fjölgun starfa. Aðallega hefur starfsfólki fjölgað í pökkunar- og töfludeild, auk þess sem ráðið hefur verið í störf á gæðasviði og á fleiri sviðum í tengslum við stækkunina.