FME veitir Arev verðbréfafyrirtæki auknar starfsheimildir

Greint er frá þessu á vefsíðu FME. Þar segir að starfsleyfi til Arev verðbréfafyrirtækis hf. var fyrst gefið út þann 28. mars 2006. Það náði þá til móttöku og miðlunar fyrirmæla frá viðskiptavinum um einn eða fleiri fjármálagerninga (í tengslum við eignastýringu) og eignastýringu samkvæmt lögum um fjármálafyrirtæki.

Félagið hefur ekki starfsheimildir til að stunda viðskipti fyrir eigin reikning eða sinna sölutryggingu fjármálagerninga.

Til viðbótar við ofangreinda þjónustuþætti tekur endurútgefið starfsleyfi Arev verðbréfafyrirtækis hf. til ráðgjafar til fyrirtækja um uppbyggingu eigin fjár, stefnumótunar og skyldra mála og ráðgjafar og þjónustu varðandi samruna fyrirtækja og kaupa á þeim samkvæmt áðurnefndum lögum.