Stjórnendur VBS fjárfestingabanka lengdu í eigin kúlulánum

Stjórnendur og starfsmenn VBS fjárfestingabanka lengdu í eigin kúlulánum upp á millarð króna, á svipuðum tíma og ríkið lagði tugi milljarða til bankans. Viðskiptablaðið greinir frá þessu í dag. Þar segir að með því að færa til gjalddaga, en á kúlulánum er aðeins einn gjalddagi, hafi stjórnendurnir komið sér undan því að þurfa að greiða nokkuð af lánunum næstu sjö árin.

Fram kemur í ársreikningi bankans fyrir árið 2008, en hann er birtur á heimasíðu VBS, að lán til forstjóra, lykilstarfsmanna og félaga þeim tengdum námu næstum 400 milljónum króna, en lán til stjórnarmanna tæpum 620 milljónum króna. Forstjórinn var samkvæmt sama reikningi með yfir tuttugu milljónir króna í árslaun og stjórnarformaðurinn fimm.