Már: Loforð stjórnvalda stoppa endurreisnina

Már Guðmundsson seðlabankastjóri segir að röð loforða stjórnvalda um lausn á skuldavanda heimilanna séu að stöðva endurreisn efnahagslífsins. Þeir sem skuldi dragi lappirnar við að endurskipuleggja fjárhag sinni í þeirri von að betri pakki komi á borðið.

Þetta kemur fram í viðtali Bloomberg fréttaveitunnar við seðlabankastjóra sem nú er staddur í Basel á fundi seðlabankastjóra víða að í heiminum.

„Í stjórnmálaumræðunni á Íslandi er stöðugt verið að gefa í skyn að eitthvað meira sé í boði og það hefur haldið aftur af heimilum til að taka þeim úrræðum sem eru í boði," segir Már.

Hvað síðustu hugmyndirnar um lausn á skuldavanda heimilanna varðar, en þær verða kynntar í dag, segir Már að hann sé „hóflega bjartsýnn" en of snemmt sé að tjá sig um málið. „Við þurfum að bíða eftir tillögunum," segir hann.

Már segir að endurreisn íslensk efnahagslífs muni ganga hægt fyrir sig og verða brothætt þar sem áhætta sé á niðursveiflu.