SFF segir mikilvægt að óvissu hafi verið eytt

Í tilkynningu segir að SFF telja sömuleiðis mikilvægt að stjórnvöld hafi ákveðið að koma að frekari lausn þessara mála með boðaðri lagasetningu sem ætlað er að taka af tvímæli um hvernig meðhöndla skuli erlend húsnæðis- og bílalán til einstaklinga.

Það er von SFF að þessi niðurstaða og sú vinna sem fram fer í kjölfar hennar hraði nauðsynlegu uppbyggingarferli íslensks efnahags- og atvinnulífs og verði liður í því að fjármálafyrirtækin í landinu endurvinni það traust sem nauðsynlegt er að ríki milli fjármálafyrirtækja og viðskiptavina þeirra.