HS Orka hagnast um 1,2 milljarða

Hagnaður HS Orku á fyrstu níu mánuðum þessa árs nemur ríflega 1,2 milljörðum króna eftir skatta. Á sama tímabili í fyrra nam hagnaðurinn ríflega 2,2 milljörðum krónum.

Þetta kemur fram í tilkynningu um uppgjörið. Þar segir að tekjur félagsins á fyrstu níu mánuðum ársins hafi numið 5,1 milljarði króna, sem er um 800 milljónum króna meiri tekjur en á sama tímabili í fyrra.

Eignir HS orku nema nú 41,7 milljörðum króna. Af þeim nemur hlutafé 17,5 milljörðum króna eða um 42 prósentum af heildareignum.

Ef þriðji ársfjórðungur er skoðaður kemur í ljós að hagnaður á honum hefur þrefaldast milli ára. Er 3,6 milljarðar króna í ár en var rúmlega 1,2 milljarðar króna í fyrra. - fri