Lausn í Icesavedeilunni gæti hækkað lánshæfiseinkunnina

Matsfyrirtækið Moody´s segir að farsæl lausn í Icesavedeilunni gæti vel leitt til þess að lánshæfiseinkunn Íslands hjá Moody´s yrði hækkuð.

Þetta kemur fram í frétt um málið á Bloomberg-fréttaveitunni. Þar er rætt við Kathrin Muehlbronner lánagreinenda á skrifstofu Moody´s í London sem segir að lausn á Icesavedeilunni sé mikilvægur þáttur fyrir lánshæfiseinkunina.

Því myndi farsæl niðurstaða vera jákvæð í því samhengi. Lánshæfiseinkunn Íslands hjá Moody´s er nú aðeins einu stigi fyrir ofan ruslflokk. Moody´s er mikilvægasta matsfyrirtækið, af hinum þremur stóru, fyrir Ísland þar sem það metur einnig lánshæfi Íbúðalánasjóðs og Landsvirkjunnar.