Sala áfengis dróst saman um 4,7% milli ára í september

Sala áfengis dróst saman um 4,7% í september miðað við sama mánuð í fyrra á föstu verðlagi og jókst um 0,5% á breytilegu verðlagi. Leiðrétt fyrir árstíðabundnum þáttum nam samdráttur í veltu áfengis í september 5,2% frá sama mánuði í fyrra. Verð á áfengi var 5,4% hærra í september síðastliðnum en í sama mánuði í fyrra.

Þdetta kemur fram í yfirliti frá Rannsóknarsetir verslunarinnar. Þar segir að velta í dagvöruverslun dróst saman um 1,0% á föstu verðlagi í september miðað við sama mánuð í fyrra en jókst um 0,8% á breytilegu verðlagi. Leiðrétt fyrir árstíðabundnum þáttum dróst velta dagvöruverslana saman í september um 1,2% frá sama mánuði árið áður. Verð á dagvöru hækkaði um 1,8% á síðastliðnum 12 mánuðum.

Fataverslun var 13,9% minni í september miðað við sama mánuð í fyrra á föstu verðlagi og minnkaði um 9,9% á breytilegu verðlagi á sama tímabili. Verð á fötum var 4,6% hærra í september síðastliðnum en í sama mánuði ári fyrr.

Velta skóverslunar minnkaði um 11,7% í september á föstu verðlagi og um 0,2% á breytilegu verðlagi miðað við sama mánuð í fyrra. Verð á skóm hækkaði um 13,1% frá september í fyrra.

Velta húsgagnaverslana var 2,4% minni í september en í sama mánuði í fyrra á föstu verðlagi og var 4,8% minni á breytilegu verðlagi. Velta sérverslana með rúm minnkaði um 26,6% frá því í fyrra á föstu verðlagi. Verð á húsgögnum var 7,3% hærra í september síðastliðnum miðaða við sama mánuð í fyrra.

Sala á raftækjum í september jókst um 10.7% á föstu verðlagi frá sama mánuði í fyrra og um 7,0% á breytilegu verðlagi á sama tímabili. Verð á raftækjum lækkaði um 3,4% frá september 2009.