Viðskipti innlent

Skuldatryggingaálag Íslands hríðlækkar

 

Skuldatryggingaálag Íslands hefur hríðlækkað í vikunni. Samkvæmt Markit Itraxx vísitölunni er álagið nú komið niður í 286 punkta og hefur ekki verið lægra síðan í maí á síðasta ári.

 

Gagnaveitan CMA mælir álagið í 284 punktum en fram kemur á vefsíðu Markit að álagið í þeirra mælingu hafi lækkað um 33 punkta frá því í gærdag.

 

Þessi mikla lækkun á skuldatryggingaálaginu hefur haft það í för með sér að Ísland er aftur dottið af top tíu listanum yfir þær þjóðir sem taldar eru í hvað mestri hættu á þjóðargjaldþroti.

Álag í 286 punktum þýðir að borga verður 2,86% af nafnverði skuldabréfs til fimm ára til að tryggja það gegn greiðslufalli.







Mest lesið


Fleiri fréttir

Sjá meira


×

Mest lesið