Verðbólgan 8,5 prósent

Verðbólgan mælist nú 8,5 prósent. Vísitala neysluverðs miðuð við verðlag í mars er 362,9 stig og hækkaði hún um 0,55% frá fyrra mánuði. Vísitala neysluverðs án húsnæðis er 346,0 stig og hækkaði hún um 1,05% frá febrúar. Þetta kemur fram í frétt frá Haqstofunni. Síðastliðna tólf mánuði hefur vísitala neysluverðs því hækkað um 8,5% en vísitala neysluverðs án húsnæðis um 12,0%. Verðbólgan var 7,3% við síðustu mælingu í febrúar.

„Undanfarna þrjá mánuði hefur vísitala neysluverðs hækkað um 1,4% sem jafngildir 5,7% verðbólgu á ári (10,1% fyrir vísitöluna án húsnæðis)," segir ennfremur. Þá er bent á að vetrarútsölum sé víðast lokið og hækkaði verð á fötum og skóm um 7,1% (vísitöluáhrif 0,41%). Verð á bensíni og díselolíu hækkaði um 4,1% (0,22%).

„Kostnaður vegna eigin húsnæðis lækkaði um 2,0% (-0,25%). Þar af voru -0,2% áhrif af lækkun markaðsverðs og 0,05% vegna lækkunar raunvaxta," segir ennfremur.



Vísitala neysluverðs samkvæmt útreikningi í mars 2010, sem er 362,9 stig gildir til verðtryggingar í maí 2010. Vísitala fyrir eldri fjárskuldbindingar, sem breytast eftir lánskjaravísitölu, er 7.165 stig fyrir maí 2010.