Tæpir 90 milljarðar á veltureikningum

Landsmenn eru með um 89 milljarðar króna inni á veltureikningum, en vextir á þeim eru lágir og í öllum tilvikum skila þeir neikvæðri raunávöxtun. Bankarnir bjóða hins vegar upp á reikninga með litlum binditíma sem bera jákvæða raunvexti auk veðtryggðra reikninga, að því er fram kemur í Morgunblaðinu.

Eftir bankahrunið flúði fólk með peninga sína úr áhættusamri ávöxtun inn á bankareikninga. Þessir peningar hafa verið að renna út af innlánsreikningum síðustu misseri og nema innlán heimilanna nú svipaðri upphæð og fyrir hrun eða 669 milljörðum króna.