Lánasjóður sveitarfélaga vill afla 7-9 milljarða til nýrra útlána

Þetta kemur fram í tilkynningu til kauphallarinnar. Þar segir að Lánasjóður sveitarfélaga lánar eingöngu það fé sem hann hefur fengið að láni, því veltur áætlun um útlán alfarið á því hvernig gengur að afla lánsfjár á árinu.

Lánasjóður sveitarfélaga áætlar að greiða lánadrottnum sínum u.þ.b. 7,5 milljarða króna árið 2010. Lánasjóðurinn áætlar að afborganir sveitarfélaga af lánum til lánasjóðsins verði u.þ.b. 8 milljarðar króna árið 2010.

Áætlun þessi miðast við núverandi aðstæður á markaði. Verði breytingar á markaðsaðstæðum má reikna með að ofangreind áætlun geti breyst. Lánasjóður sveitarfélaga endurskoðar áætlanir sínar hálfsárslega og oftar ef þörf krefur.