Viðskipti innlent

Arion banki semur um viðskiptavakt við LS

Í dag skrifaði Arion banki hf. undir samninga hjá Lánasjóði sveitarfélaga (LS) í tengslum við viðskiptavakt á eftirmarkaði með bréf sjóðsins í flokki LSS150224. Tilgangur samningsins er að styrkja aðgang lánasjóðsins að lánsfé og efla verðmyndum á eftirmarkaði með bréf sjóðsins.

Í tilkynningu til Kauphallarinnar segir að Arion banki mun hefja viðskiptavakt með LSS150224 í dag.

Meginatriði samningsins eru eftirfarandi:

Viðskiptavaki skuldbindur sig til að setja fram kaup- og sölutilboð í Kauphöllina á Íslandi fyrir opnun markaðar í þá flokka sem samningurinn nær yfir.

Fjárhæð kaup- og sölutilboða skal vera að lágmarki 20 milljónir kr. að nafnverði. Jafnframt er viðskiptavaka skylt að endurnýja tilboð sín í kauphöll innan 15 mínútna frá því að þeim hefur verið tekið.

Hámarksmunur kaup- og sölutilboða viðskiptavaka ákvarðast af verði gildra tilboða og má mest vera 1,0%.

Eigi viðskiptavaki viðskipti á einum viðskiptadegi fyrir 100 milljónir kr. að nafnverði í tilteknum flokki er honum heimilt að víkja frá hámarksmun kaup- og sölutilboða það sem eftir lifir viðskiptadags.

Viðskiptavakar hafa einir aðgang að sérstökum verðbréfalánum sem sjóðurinn veitir.





Mest lesið


Fleiri fréttir

Sjá meira


×

Mest lesið