Viðskipti innlent

Skuldir sjávarútvegs námu 564 milljörðum í árslok 2008

Heildareignir sjávarútvegs í árslok 2008 voru 504 milljarðar króna, heildarskuldir 564 milljarður kr. og eigið fé því neikvætt um 60 milljarða kr. Eigið fé nam 110 milljörðum kr.

Þetta kemur fram á vefsíðu Hagstofunnar. Þar segir að út er komið hefti í efnisflokknum Sjávarútvegur þar sem birtar eru niðurstöður athugana Hagstofunnar um fiskveiðar og fiskvinnslu fyrir árið 2008.

Hagnaður sjávarútvegsfyrirtækja fyrir afskriftir, fjármagnskostnað og sem hlutfall af heildartekjum sjávarútvegsins jókst milli áranna 2007 og 2008.

Í fiskveiðum og vinnslu hækkaði þetta hlutfall (án milliviðskipta) úr 19½% í 27½%, í fiskveiðum úr 21½% árið 2007 í 25% af tekjum árið 2008 og í fiskvinnslu úr 7% í 17%.

Hreinn hagnaður samkvæmt árgreiðsluaðferð, í sjávarútvegi árið 2008 nam 19% samanborið við 10½% hagnað árið áður. Hagnaður var áfram á rekstri mjölvinnslu og á rekstri loðnuskipa á árinu 2008.



Mest lesið


Fleiri fréttir

Sjá meira


×

Mest lesið