Vilja auknar tekjur af Ásbrú

 Bæjarráð Reykjanesbæjar ógilti nýlega yfirlýsingu frá október 2007 um að ekki yrðu innheimt opinber gjöld af fasteignum á Ásbrú. 

Í bókun bæjarráðs kemur fram að bæjaryfirvöld telji að forsendu­brestur hafi orðið þar sem ríkið hafi tekið til sín um 2.500 milljónir í tekjur af Ásbrú án þess að skila því til þróunar á svæðinu. Á meðan hafi bærinn borið um 700 miljóna króna kostnað af svæðinu umfram tekjur og telja bæjar­yfirvöld að það gangi ekki upp í erfiðu árferði.

Breyting þessi tekur gildi um áramót.- þj