Bankarnir verða að vera sammála um niðurfærslu skulda

Bankarnir munu væntanlega höfða skaðabótamál á hendur ríkinu fari svo að ríkisstjórnin beiti lagasetningu til að knýja á um almenna niðurfærslu skulda. Skaðabótakrafan gæti numið tugum milljarða króna.

Ríkisstjórnin leggur áherslu á að ná sátt við fjármálafyrirtækin um um leiðir til að leiðrétta skuldir heimilanna. Ljóst er að bankarnir þurfa afskrifa tugi milljarða ef farið verður eftir hugmyndum Hagsmunasamtaka heimilanna.

Mikið mun því velta á afstöðu bankanna til málsins en ríkisstjórnin ætlar að funda með fulltrúum þeirra á miðvikudag. Reynist sá fundur árangurslaus er málið komið aftur á byrjunarreit.

Fram kom í máli Ögmundar Jónassonar, dómsmálaráðherra í fréttum stöðvar í gær, að menn séu þá jafnvel tilbúnir að beita lagasetningu til að knýja bankanna til að afskrifa skuldir.

Ekki ríkir einhugur innan ríkisstjórnarinnar að beita lagasetningu ef í harðbakkann slær. Flestir ráðherrar eru á þeirri skoðun að sáttaleiðin sé eina færa leiðin.

Vandir ríkisstjórnarinnar er því mikill en lífeyrissjóðirnir telja fullvíst að afskriftir skulda hafi þær afleiðingar að skerða þurfi lífeyrisgreiðslur.

Ögmundur segir að ekki megi einblína um of á kostnað heldur þurfi að skoða afskriftir skulda út frá fjármálakerfinu í heild.