AGS: Hagvöxtur í gang á þessu ári

Það eru hinsvegar hættur á veginum til efnahagsbata sem stjórnvöld verða að varast að mati AGS. Miklar skuldir geti leitt til lítils vaxtar og mikilla fólksflutninga frá landinu.

Skuldabyrðin og ógn hennar við varasjóði geri það að verkum að grípa þarf til aðgerða til að slá á eftirspurn með m.a. gjaldeyrishöftunum. Hinsvegar muni hægari þróun í átt að fjárhagslegri aðlögun á þessu ári og aðgerðir til að hraða endurskipulagningu á skuldum einkageirans draga úr þessum hættum.

AGS segir að það muni taka tíma að endurskipuleggja skuldir almennings. Slíkt eigi stjórnvöld að gera í samráði við almenning og byggja þannig upp pólitískan stuðning fyrir þessum aðgerðum. Það sé sérstaklega mikilvægt að fullvissa almenning um að þótt útgangan úr kreppunni taki tíma sé til stefna sem tryggir þá útgöngu.