Rólegt á fasteignamarkaði í borginni

Fjöldi þinglýstra kaupsamninga á höfuðborgarsvæðinu 22. október til og með 28. október 2010 var 55. Þar af voru 42 samningar um eignir í fjölbýli, 11 samningar um sérbýli og 2 samningar um annars konar eignir en íbúðarhúsnæði. Heildarveltan var 1.392 milljónir króna og meðalupphæð á samning 25,3 milljónir króna.

Þetta kemur fram á vefsíðu Þjóðskrár Íslands. Tölurnar eftir vikuna í borginni eru nokkuð undir meðaltalinu á undanförnum 12 vikum. Þannig hefur fjöldi samninga verið 67 á þeim tíma, heildarveltan 1.915 milljónir kr. og meðalupphæð á samninfg 28,5 milljónir kr.

Í vikunni var 7 kaupsamningum þinglýst á Suðurnesjum. Þar af var 1 samningur um eignir í fjölbýli, 5 samningar um sérbýli og 1 samningur um annars konar eignir en íbúðarhúsnæði. Heildarveltan var 136 milljónir króna og meðalupphæð á samning 19,4 milljónir króna.

Á sama tíma var 8 kaupsamningum þinglýst á Akureyri. Þar af voru 4 samningar um eignir í fjölbýli og 4 samningar um sérbýli. Heildarveltan var 164 milljónir króna og meðalupphæð á samning 20,5 milljónir króna.

Á sama tíma var 1 kaupsamningi þinglýst á Árborgarsvæðinu. Hann var um annars konar eignir en íbúðarhúsnæði. Upphæð samnings var 192 milljónir króna.