Ný fóðurverksmiðja brátt gangsett á Grundartanga

Fjallað er um málið á vefsíðu Faxaflóahafnar. Þar segir að framkvæmdir Líflands hafa staðið yfir síðan fyrir um ári síðan og hafa gengið vel. Þá hefur Stálsmiðjan hafið framkvæmdir við þjónustuhús á Grundartanga.

Ýmsir hafa sýnt iðnaðarsvæðinu á Grundartanaga áhuga og vonandi skilar það frekari starfsemi á svæði þegar fram líða stundir. Af hálfu Faxaflóahafna sf. er nú hafinn undirbúningur að lengingu stálþils við höfnina en væntanlega hefjast framkvæmdir við það á næsta ári. Áætlað er að lengja viðlegumannvirkin um á.a.g. 200 metra, en um 270 skip koma árlega til Grundartanga.

Þá hefur verið undirbúin gróðuráætlun fyrir svæðið en ætlunin er að ganga frá grænum svæðum og bæta þannig frekar ásýnd svæðisins.