Viðskipti innlent

Kreditkortaveltan jókst um 7,7 prósent á milli ára

Heildarvelta kreditkorta í marsmánuði var 22 milljarðar kr. samanborið við 20,5 milljarða kr. á sama tíma í fyrra og er það rúmlega 7,7% aukning milli ára.

Þetta kemur fram í hagtölum Seðlabankans. Þar segir að heildarvelta kreditkorta dróst saman um um 8,8% í mars miðað við mánuðinn á undan.

Debetkortavelta var í mars 31,2 milljarða kr. sem var 14,7% aukning frá fyrri mánuði. Samanborið við sama tíma í fyrra jókst heildardebetkortaveltan í mars um 2,8 milljarða kr. milli ára eða um 9,9%.

Leiðréttar hafa verið tölur fyrir fjölda og veltu kreditkorta fyrirtækja hérlendis fyrir tímabilið júlí 2007 - febrúar 2010.







Mest lesið


Fleiri fréttir

Sjá meira


×

Mest lesið