AGS: Efnahagsbati hægari vegna seinkunar á fjárfestingum

Sendinefnd frá Alþjóðagjaldeyrissjóðnum, undir handleiðslu Julie Kozack, heimsótti Reykjavík í byrjun nóvember vegna fjórðu endurskoðun sjóðsins upp á 2,1 milljarð dollara. Þeir telja að efnahagsbatinn muni ganga hægar vegna seinkunar á fjárfestingaverkefnum en vonast er til að næsta enduskoðun verði samþykkt í árslok.

Í tilkynningu frá AGS segir að sendinefndin hafi fundað með æðstu embættismönnum, þingmönnum, fræðimönnum, fulltrúum atvinnulífsins og verkalýðsfélaga.

Í kjölfarið sendi nefndin frá sér yfirlýsingu þar sem segir meðal annars að gengisdómarnir sem féllu í Hæstarétti Íslands muni hafa takmörkuð áhrif á efnahagskerfið. Hinsvegar yrðu efnahagsbatinn hægari en gert hefur verið ráð fyrir vegna seinkunar á fjárfestingaverkefnum.

Þá segir einnig í tilkynningunni að víðtækt samkomulag hafi náðst um endurskipulagningu en þó þurfi meiri tíma til þess að takast á við skuldavanda heimilanna og fyrirtækja.

Umræður um endurskoðun mun því halda áfram á næstu vikum með það að markmiði að fjórða endurkoðun náðist seint 2010 eða snemma árs 2011.