Rekstrarniðurstaða Reykjavíkur jákvæð um 16,5 milljarða

Samkvæmt ársreikningi er niðurstaða A og B hluta Reykjavíkurborgar á fyrstu þremur ársfjórðungum ársins, fyrir fjármagnsliði ,jákvæð um tæpa 4,7 milljarða króna og rekstrarniðurstaða er jákvæð um 16,5 milljarða króna.

Þessi niðurstaða var kynnt í borgarstjórn í dag en í tilkynningu segir að í fjárhagsáætlun fyrir tímabilið janúar til september 2010 fyrir A hluta var gert ráð fyrir því að niðurstaða fyrir fjármagnsliði yrði neikvæð um 2 milljarða króna og rekstrarniðurstaða tímabilsins neikvæð um 802 milljónir króna.

Rekstrartekjur A og B hluta voru tæpir 69 milljarðar króna eða um tæpum 1,9 milljörðum umfram áætlun og rekstrargjöld voru 64 milljarðar króna eða rúmlega milljarði undir áætlun. Fjármagnsliðir voru jákvæðir um tæpa 19 milljarða króna en áætlun gerði ráð fyrir að þeir yrðu neikvæð um 3,5 milljarða króna. Munurinn skýrist einkum af gengis- og verðlagsbreytingum.

Rekstrartekjur A hluta voru 44.950 milljónir króna eða 2.058 milljónir yfir áætlun. Rekstrargjöld voru 45.484 milljónir króna eða um 499 milljónir undir áætlun.

Eignir A hluta voru tæpa 131 milljarð króna, hækka úr 97,6 milljörðum króna eða um 33 milljarða . Skuldir A hluta að frátöldum skuldbindingum hækka úr 24,6 milljörðum í 43 milljarða eða um 18,4 milljarða en skuldbindingar hækka um 14 milljónir, úr 9.181 milljónum kr. í 9.195 milljónir.

Eigið fé A hluta hækkar um 14,7 milljarða, úr 63,8 milljarða kr. í 78,5 milljarða kr. Hækkun eigna, skulda og eiginfjár skýrist að stærstum hluta með breytingum á reikningsskilaaðferð.