Hafna aldrei fresti á uppboði

Íbúðalánasjóður frestar nauðungarsölum hjá fólki sem óskar eftir því og reynir að koma í veg fyrir nauðungarsölu. Nóg er að gera slíkt símleiðis. Staðfesting frá umboðsmanni skuldara dugar til að fresta uppboði á fasteignum.

Í tilkynningu frá Íbúðalánasjóði sem send var út í kjölfar umfjöllunar fjölmiðla um fjölda nauðungarsala kemur fram að ekki sé óeðlilegt að hann eigi meirihluta uppboðsbeiðna, sjóðurinn eigi allt upp undir sextíu prósent fasteignaveða í landinu.- jab