Uppgjör Össurar veldur smávægilegum vonbrigðum

Viðskiptablaðið Börsen segir að uppgjör Össurar hf. fyrir þriðja ársfjórðung hafi valdið smávægilegum vonbrigðum, eða "skuffer en smule" eins og það er orðað í blaðinu.

Uppgjörið var birt síðdegis í gær en samkvæmt því nam hagnaður Össurar 444 milljónum kr. og minnkaði um 111 milljarða kr. miðað við sama tímabil í fyrra.

Börsen vitnar í greiningardeild Nordea bankans sem taldi að Össur myndi uppfæra væntingar sínar um hagnað ársins í uppgjörinu. Þvert á móti dregur úr væntingum Össurar. Félagið taldi áður að brúttóhagnaður ársins yrði um 10% af tekjum en hefur lækkað það hlutfall niður í 5-7%.

Í uppgjörinu segir að minnkun hagnaðar milli ára megi tekja til neikvæðra gengisáhrifa. Þar er væntanlega átt við veikingu á gengi dollarans undanfarna mánuði en uppgjörsmynt Össurar er dollarar.