Enn er framlengt í endurskipulagningu Farice

Eignarhaldsfélagið Farice ehf. og dótturfélag þess, Farice hf., vinna enn að fjárhagslegri endurskipulagningu félaganna í samvinnu stærstu kröfuhafa þeirra og hluthafa.

Í tilkynningu segir að allir aðilar kyrrstöðusamningi í Eignarhaldsfélaginu Farice ehf. hafa samþykkt framlengingu þess samnings til 3. desember n.k.

Tilkynningar sem þessar hafa komið reglulega inn á vefsíðu Kauphallarinnar allt þetta ár. Alls voru um níu milljarðar af heildarskuldum Farice í vanskilum um síðustu áramót. Skuldirnar í heild nema 113,8 milljörðum evra eða tæplega 20 milljörðum kr.

Í tilkynningu frá því um áramótin segir að 98,5% af kröfuhöfum félagsins vinni með félaginu að endurskipulagningu þess.