Exeter Holdings rætt á stofnfjáreigendafundi hjá Byr

Málefni Exeter Holdings verða meðal umræðuefna á fundi stofnfjáreigenda Byrs sparisjóðs sem verður haldinn föstudaginn 15. janúar n.k. á Hilton Nordica, Suðurlandsbraut 2, Reykjavík.

Samkvæmt tilkynningu til kauphallarinnar um fundinn er dagskrá hans m.a. eftirfarandi fyrir utan hefðbundin fundarstörf:

Málefni sem tengjast lánveitingum sparisjóðsins til Exeter Holdings ehf. Eftirfarandi menn hafa síðan kveðið sér hljóðs á fundinum:

Eggert Þór Aðalsteinsson: Samtök stofnfjáreigenda í Byr sparisjóði

Guðjón Jónsson og Halldór Jónsson: Lán Glitnis banka hf. vegna stofnfjáraukningar 2007 og tapaðar kröfur vegna útlána.

Björn Þorri Viktorsson; Málefni Shelley Oak Plc; umfjöllun um stjórn og stjórnendur Byrs sparisjóðs; viðskipti stjórnarmanna í Byr sparisjóði með stofnfé á árinu 2009; fyrirætlanir vegna Exeter Holdings ehf. og Shelley Oak Plc; sérfræðivinna fyrir Byr sparisjóð og sameiningaviðræður Glitnis banka hf. og Byrs sparisjóð haustið 2008.

Þórir Ólafsson: Málefni Adminu Iela SIA.

Sveinn Margeirsson: Stjórnunarhættir í Byr sparisjóði.

Aðgöngumiðar að fundinum verða afhentir stofnfjáreigendum og umboðsmönnum þeirra á fundarstað og hefst afgreiðsla þeirra kl. 14:30.