Gjaldeyrisforðinn rýrnaði um 15,6 milljarða í október

Gjaldeyrisforði Seðlabankans nam 471,9 milljörðum kr. í lok október og lækkaði um 15,3 milljarða kr. milli mánaða. Erlendur gjaldeyrir minnkaði um 15,6 milljarða kr. og aðrar eignir hækkuðu samtals um 219 milljónir kr. í mánuðinum.

Þetta kemur fram í hagtölum Seðlabankans. Þar segir að erlendar eignir Seðlabanka Íslands námu 472,8 milljörðum kr. í lok okt. samanborið við 488,1 milljarð kr. í lok sept.

Erlendar skuldir Seðlabanka Íslands námu 240,4 milljörðum kr. í október samanborið við 241,2 milljarða kr. í lok september.