FME gerir athugasemd við afskráningu Bakkavarar

Fjármálaeftirlitið gerir athugasemd við fyrirhugaða afskráningu Bakkavarar Group hf. á hlutabréfum félagsins úr Kauphöllinni og einkahlutafélagavæðingu þess sem fram kemur í 2. lið dagskrár hluthafafundar félagsins. Fundurinn verður haldinn verður þann 26. mars næstkomandi klukkan 16.00.

Telur Fjármálaeftirlitið að fyrirhuguð tillaga félagsins um að breyta því í einkahlutafélag og afskrá það í kjölfarið sé ekki í samræmi við þær reglur sem um afskráningu verðbréfa gilda. Fjármálaeftirlitið hefur því beint þeim tilmælum til félagsins að fara að umræddu ákvæði kauphallarlaga við afskráningu bréfa sinna úr Kauphöll.