Skýrsla Ríkisendurskoðunar gagnrýnd

„RES Orkuskóli hefur ýmislegt við skýrslu Ríkisendurskoðunar um RES Orkuskólann að athuga,“ segir í Guðjón Guðjón Steindórsson, framkvæmdarstjóri skólans í tilkynningu. Hann segir starfi RES Orkuskólans stefnt í tvísýnu en óvissa ríkir um fjárhagslegan og faglegan rekstrargrundvöll skólans.

Ríkisendurskoðun telur að stjórnvöld eigi um tvennt að velja: Annaðhvort að hætta stuðningi við skólann eða yfirtaka starfsemina. Brýnt er að ákvörðun verði tekin sem fyrst. Þetta kemur fram í nýrri skýrslu Ríkisendurskoðunnar sem birt var á vefsíðu hennar í dag. Vegna óvissu í rekstri skólans mælir Ríkisendurskoðun ekki með því að ríkið semji við hann um takmarkaðan fjárstuðning í eitt ár né geri við hann langtímasamning. Að mati stofnunarinnar er mikilvægt að óvissu um framtíð skólans verði eytt eins fljótt og mögulegt er.

Guðjón segir að í ábendingu Ríkisendurskoðunar til menntamálaráðuneytisins sé ekki bent á þriðju leiðina og þá sem að dómi skólans sé sú eina sem viðheldur faglegum grundvelli hans. „Hún felst í því, líkt og Ríkisendurskoðun bendir á, að Orkuvörður ehf. og ráðuneytið gangi frá fjögurra ára samningi um þróun og uppbyggingu skólans, ásamt því að hlutafé verði aukið. Kostnaður ríkisins við þá leið er tilgreindur í skýrslunni.“

Þá segir í tilkynningu Guðjóns: „Mennta- og menningarmálaráðuneytið segist í skýrslunni hafa ákveðið að styðja ekki RES Orkuskólann. Þessa ákvörðun tekur ráðuneytið án þess að kynna sér sjónarmið RES í málinu og án þess að fyrir liggi nokkur kostnaðargreining vegna þess.“