Slegist um kaupin á Eik Bank í Danmörku

Mikill áhugi er á því að kaupa Eik Bank í Danmörku en hann var dótturbanki Eik Banki í Færeyjum sem komst í þrot s.l. haust. Samkvæmt frétt í Jyllands Posten munu a.m.k. átta bankar slást um að fá að kaupa Eik Bank.

Meðal þeirra banka sem ætla að gera tilboð í Eik Bank eru Nordea, Sydbank, Saxo Bank og Nykredit. Þá segir blaðið að nokkrir bankar hafi ákveðið að gera ekki tilboð eftir að hafa kynnt sér gögn frá Eik Bank. Meðal þeirra eru Arbejderens Landsbank, Spar Nord og FIH.

Reiknað er með að gengið verði frá sölunni á Eik Bank en það er bankasýsla Danmerkur, Finansiel Stabilitet, sem hann hana.

Eik Bank komst í eigu danskra yfirvalda þegar móðurbankinn í Færeyjum hrundi í haust eftir að hann gat ekki útvegað 2,6 milljarða danskra kr. til að fylla upp í risagat í efnahagsreikningi sínum.

Eik Bank í Danmörku er netbanki með um 90.000 viðskiptavini.