Segir nýtt hagstætt Icesave-tilboð í boði

Viðskiptablaðið segir frá því í dag að Bretar og Hollendingar hafi boðið íslenskum stjórnvöldum að leggja fram nýtt tilboð um lausn á Icesave-deilunni milli landanna. Hið nýja tilboð sé mun hagstæðara en það sem áður hafi verið í boði.

Samkvæmt frétt Viðskiptablaðsins hafa fulltrúar Breta og Hollendinga komið þessum skilaboðum áleiðis og jafnframt að löndin muni taka þessu tilboði verði það lagt fram. Áætlaður kostnaður Íslands af hinu nýja tilboði myndi liggja á bilinu 30 til 50 milljarðar kr.

Ástæðan fyrir því að íslensk stjórnvöld eru beðin að leggja fram tilboðið í stað þess að slíkt komi að frumkvæði Breta og Hollendinga er sögðu sú að saminganefnd þessara þjóða má ekki að eigin frumkvæði gefa afslátt af samningsmarkmiðum sínum eins og þau voru sett fram í erindisbréfi hennar.