Orkugjaldið orðið næsthæst hjá Orkuveitu Reykjavíkur

Svonefnt orkugjald, sem tekið er fyrir dreifingu á hverri kílówattsstund til notenda, er orðið næsthæst hjá Orkuveitu Reykjavíkur eftir gjaldskrárhækkun um síðustu mánaðamót, samkvæmt útreikningum Orkuvaktarinnar. Dreifing RARIK, eingöngu í dreifbýli, er aðeins hærri.

Það er til dæmis 28 prósentum hærra en hjá Orkubúi Vestfjarða, þar sem dreifikerfið er hlutfalsllega margfalt stærra á hvern notanda en á notendur Orkuveitu Reykjavíkur.

Hlutur dreifingar á raforku hefur verið nálægt fjórðungi af heildarraforkuverði til fyrirtækja. Þannig mun þessi 40 prósenta hækkun þýða um það bil tíu prósenta hækkun á raforku til fyrirtækja, sem skipta við Orkuveitu Reykjavíkur.