Hagspá ASÍ gerir ráð fyrir minni samdrætti

Endurskoðuðu hagspá hagdeildar ASÍ gerir ráð fyrir heldur minni samdrætti í efnahagslífinu þó enn sé staðan erfið og svigrúm heimila og fyrirtækja mjög takmarkað.

Hagdeildin spáir því að landsframleiðslan dagist saman um 4,8 % í ár, sem sem er ívíð minna en gert var ráð fyrir í febrúar, en undir lok þessa árs verði botni niðursveiflunar náð og hægur viðsnúningur hefjist. Næstu árin verði svo hægur hagvöxtur, 2,3% á næsta ári, 2,8% árið 2012 og 2,6% á árinu 2013.

Hagspá ASÍ gerir svo ráð fyrir því að atvinnuleysi fari undir sjö prósent árið 2013.

Atvinnuástandið er erfitt og áfram útlit fyrir mikið atvinnuleysi næstu misserin þó horfurnar séu heldur betri en hagdeildin gerði ráð fyrir í febrúarspá sinni. Mikilvægt er að hraða endurreisn atvinnulífsins og fjölga nýjum störfum að mati ASÍ.

Þá er brýnt að hraða eins og kostur er þeirri endurskipulagningu á fjárhag fyrirtækja og heimila sem nauðsynleg er í kjölfar efnahagshrunsins.

Svo segir í hagspá ASÍ að bjartari horfur eru í efnahag heimsins og veikt gengi krónunnar hafa jákvæð áhrif á útflutnings- og samkeppnisgreinarnar en mikil skuldsetning takmarkar þó mögleika margra fyrirtækja innan þeirra raða til frekari vaxtar og atvinnusköpunar.

Hægt er að nálgast spána í heild sinni hér fyrir neðan.