Viðskipti innlent

Heimilin juku kreditkortaveltu sína um 8,8%

Kreditkortavelta heimila jókst um 8,8% í janúar-apríl í ár miðað við janúar-apríl í fyrra. Debetkortavelta jókst um 6,0% á sama tíma. Samtals jókst greiðslukortavelta heimila í janúar-apríl 2010 um 7,4%.

Þetta kemur fram í hagvísum Hagstofunnar. Þar segir að greiðslukortavelta Íslendinga erlendis jókst um 21,7% en erlend greiðslukortavelta hérlendis dróst saman um 11,1% í janúar- apríl 2010 miðað við sömu mánuði 2009.

Vísitala neysluverðs án húsnæðis hækkaði um 11,3% (miðað við meðaltal vísitölunnar í janúar-apríl) sem veldur 3,5% raunlækkun á innlendri greiðslukortaveltu.

Nýskráningar bíla í janúar-maí voru 997 sem er 15,5% aukning frá janúar-maí í fyrra. Síðastliðna 12 mánuði, til loka maí, voru nýskráningar bíla 2.964 en það er 48,7% fækkun frá fyrra tólf mánaða tímabili.





Mest lesið


Fleiri fréttir

Sjá meira


×

Mest lesið