Viðskipti innlent

Ríkissjóður Íslands kominn í ruslflokk

Jón Hákon Halldórsson skrifar

Fitch lánshæfismatsfyrirtækið hefur lækkað lánshæfismat ríkissjóðs Íslands niður í BB+ eða ruslflokk í kjölfar ákvörðunar Ólafs Ragnars Grímssonar um að synja Icesave lögunum staðfestingar. Þetta kemur meðal annars fram á fjármálavefnum Marketwatch.

„Ákvörðunin skapar nýja óvissu í stjórnmálalegu og efnahagslegu tilliti. Ákvörðunin er einnig stórt skref afturábak í viðleitni Íslendinga til að koma stöðugleika á í efnahagslegum samskiptum við aðrar þjóðir," segir Paul Rawkins, hjá Fitch í London.

Fyrir erlendar skuldbindingar eru lánshæfiseinkunnir ríkissjóðs nú BB + en fyrir innlendar skuldbindingar BBB -. Ennfremur segir Fitch að horfur séu neikvæðar sem þýðir að lánshæfið gæti lækkað enn frekar.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið