Sem betur fer ráða stjórnvöld ekki för í sölu HS Orku

„Það er sérkennilegt að á sama tíma og við berjumst við að auka traust á Íslandi og við blasir að við þurfum sárlega á erlendum fjárfestingum að halda skuli annar helmingur stjórnarliðsins bregðast við með þeim hætti sem heyra má og sjá í fjölmiðlum," segir Jón Steindór.

„Við eigum að fagna því að erlent fé kemur til landsins og við eigum að vinna með erlendum fjárfestum að uppbyggingu atvinnulífsins. Ramminn um starfsemi þeirra er í okkar höndum eins og annars atvinnulífs og í þeim efnum eigum við að gera sömu kröfur til þeirra sem hingað koma og þeirra sem fyrir eru."