Viðskipti innlent

Gríðarlega skuldsett pítsafyrirtæki

Dominos er gríðarlega skuldsett.
Dominos er gríðarlega skuldsett.

Pítsafyrirtækið Dominos skilur eftir sig nærri tveggja milljarða króna skuld samkvæmt ársreikningum fyrir árin 2008 og 2009.

Það var útgerðarmaðurinn Magnús Kristinsson sem átti fyrirtækið en samkvæmt DV þá hefur hann misst yfirráð sín yfir félaginu til skilanefndar Landsbanka Íslands vegna mikillar skuldsetningar.

Þá kemur fram í frétt DV, sem birtist í blaðinu í dag, að móðurfyrirtækið, Pizza-pizza ehf., hafi verið gríðarlega skuldsett áður en en útgerðarmaðurinn eignaðist það.

Landsbankinn og Dominos International í Bandaríkjunum munu nú vera að leita að áhugasömum kaupendum að Dominos en sú leit hefur ekki borið árangur enn sem komið er.

Meðal þeirra sem nefndir hafa verið til sögunnar sem bankinn hefur íhugað að leita til vegna rekstursins á Dominos er Skúli Gunnar Sigfússon, stofnandi og eigandi Subway á Íslandi, en hann hefur náð mjög góðum árangri með Subway-keðjuna hér á landi að sögn DV.

Heimildir herma að Dominos International hafi orðið mjög undrandi þegar fyrirtækið heyrði um skuldsetningu Dominos á Íslandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið